З раніцы да вечара тут пройдуць спаборніцтвы па гарналыжным спорце і сноўбордзе. Для гледачоў арганізуюць майстар-класы і паказальныя выступленні вядучых спартсменаў краіны, прадставяць культурна-забаўляльную праграму. Дзеці і дарослыя змогуць паўдзельнічаць у разнастайных конкурсах і спаборніцтвах, пакатацца на цюбінгах, конях, поні і ездавых сабаках.
Арганізатарамі мерапрыемства выступаюць Міжнародная федэрацыя лыжнага спорту, Мінскі гарадскі выканаўчы камітэт, Беларускі лыжны саюз, Беларуская федэрацыя гарналыжнага спорту і сноўборда. Пачнуцца спаборніцтвы ў 9.00, цырымонія адкрыцця запланаваная на 12.00.
Свята накіраванае на прыцягненне дзяцей і дарослых да заняткаў зімовымі лыжнымі відамі спорту, праводзіцца больш чым у 50 краінах свету.
Крыніца: minsk-region.gov.by
