Летам многім людзям, асабліва пажылым і хранічна хворым, неабходна засцерагчыся ад спёкі.
Каб не дапусціць перагрэву, абмяжуйце час прабывання на вуліцы, знізьце фізічныя нагрузкі да мінімуму. Апранайцеся ў адзенне з лёгкіх, натуральных тканін, не забывайцеся пра галаўныя ўборы. Летам і харчавацца патрэбна інакш, чым зімой. Ужывайце больш садавіны і агародніны, аддавайце перавагу рыбе, адмоўцеся ад вэнджанага і смажанага. Рэкамендуецца больш піць вады, кісламалочных прадуктаў, вітамінізаваных напіткаў.
На працягу гарачага дня можна прыняць халаднаваты душ. Паездкі на асабістым і грамадскім транспарце перанясіце на ранішні ці вячэрні час.
Наталля БУЛАВА,
урач-гігіеніст
