Апошнія падзеі трывожаць усіх нас і нікога не пакідаюць абыякавым.
З улікам мінулых палітычных падзей ужо на працягу доўгага часу ў Інтэрнэце мы назіраем актыўную правакацыйную дзейнасць некаторых грамадзян, адной з мэт якіх з'яўляецца фарміраванне негатыўнага стаўлення да міліцыі і дзяржаўных органаў у цэлым. Тут трэба нагадаць: міліцыя не затрымлівае «ні за што» і не складае пратаколы «проста так». На ўсе заклікі сабрацца для ўдзелу ў несанкцыйных мерапрыемствах міліцыя прымае ў межах кампетэнцыі неабходныя меры асабліва па ахове правапарадку і забеспячэння бяспекі.
Паважаныя грамадзяне! Нагадваем Вам пра неабходнасць няўхільна выконваць закон. Арганізацыя і ўдзел у несанкцыйных масавых мерапрыемствах - незаконныя. Супрацоўнікі міліцыі ахоўваюць грамадскі парадак, перашкода іх службовай дзейнасці з'яўляецца крымінальна каральным дзеяннем. Памятаеце, што сваімі незаконнымі паводзінамі арганізатары і ўдзельнікі забароненых мітынгаў і шэсцяў дэстабілізуюць крымінальную сітуацыю і ставяць пад пагрозу бяспеку іншых грамадзян.
У Валожынскім раёне ніхто не пацярпеў падчас пратэстных акцый. Гэтым мы абавязаны разважлівасці жыхароў раёна, якія не дазволілі ўцягнуць сябе ў забароненыя законам дзеянні. У выніку ўсе жывыя і здаровыя, нікому не нанесена маральная і маёмасная шкода, няма ўзаемных крыўд. Але любы пратэст павінен ісці ў рамках закона, дыялог з уладай варта весці цывілізавана і ні ў якім разе нельга трэціраваць людзей з іншай пазіцыяй. Паважайце і іх выбар! Не дазваляйце ўцягнуць сябе ў канфлікт з міліцыянерамі, якія заўсёды застаюцца з народам. Яны вашы суседзі, знаёмыя, сябры, аднакласнікі, якія прысягай абавязаны абараняць вас. Гэта іх праца. Не спяшаецеся даваць ацэнку дзейнасці ўсёй міліцыі па асобных фактах. Магчыма, што яны паказаны вам аднабока. Па кожнай спрэчнай нагодзе будзе праведзена разбіральніцтва. Давайце берагчы той парадак і спакой, які сёння захоўваецца ў нас. Гэта ў нашых агульных інтарэсах.
Мы заклікаем усіх да разважлівасці і захавання здабытку, да якога мы разам з вамі ішлі доўгія гады. Зараз гэта як ніколі важна! Давайце не будзем правакаваць адзін аднаго, а пастараемся наладзіць дыялог і пачуць усе меркаванні, каб не дапусціць вяртання ў гады, калі панаваў крымінал і людзі баяліся выйсці на вуліцу. Лепш выказваць свае палітычныя перакананні без парушэння заканадаўства. Тады грамадскі парадак у нашым раёне будзе забяспечаны.
У дадатак да вышэйсказанага хацелася б сказаць: акцыі салідарнасці сёння праходзяць мірна, спакойна, без сур'ёзных парушэнняў. Але, паважаныя кіроўцы, якія ўдзельнічаюць у акцыі: выказваючы сваю пазіцыю гучнымі і працяглымі гукавымі сігналамі, задумайцеся аб тым, што такімі паводзінамі вы парушаеце спакой грамадзян, якія жывуць у навакольных дамах, раздражняеце людзей, якія вярнуліся дадому з працы і хочуць спакойна адпачыць. У райаддзел паступае шмат скаргаў ад жыхароў горада на гучныя аўтамабільныя сігналы. Удзельнікі акцыі пераследуюць свае мэты, і ніхто не перашкаджае ім выказаць сваё меркаванне. Але просім рабіць гэта так, каб не перашкаджаць нармальнаму жыццю іншых людзей.
