1. Самазагатоўка дроў. Падыходзіць тым гаспадарам, у якіх ёсць, бензапіла для нарыхтоўкі, Транспарт для дастаўкі і трохі вольнага часу.
Дзеянні: звернуцца ў бліжэйшае лясніцтва, дзе пры наяўнасці ў лесе участкаў усыхання, захламленасці, ветравалу, Вам выпішуць ордэр на нарыхтоўку дроўнай драўніны на пні, у якім паказаны дазволены аб'ём нарыхтоўкі драўніны ў разрэзе драўняных парод падлягаючых рубцы, спосаб ачысткі месца рубкі ад пасечаных рэшткаў, тэрміны нарыхтоўкі і вывазкі драўніны. Далей спатрэбіцца самому нарыхтаваць дровы, скласці ў кучы для абмеру, скласці парубачныя рэшткі так, як паказана ў ордэры і выклікаць прадстаўніка лясніцтва для агляду месца нарыхтоўкі і абмеру нарыхтаваных дроў. Пасля таго як участак прыняў прадстаўнік лясніцтва, у ордэры вырабляецца запіс «фактычна нарыхтавана і дазволена да вывазкі м3 у разрэзе драўняных парод», пасля чаго дазваляецца вывазка нарыхтаваных дроў. Кошт залежыць ад пароды і размяшчэння названага ўчастка для нарыхтоўкі. Прыблізна 80 капеек за 5 м3 дроў (адзін трактарны прычэп). Аднак дадзены спосаб патрабуе ад нарыхтоўшчыка некаторых навыкаў працы з бензапілой, наяўнасць транспарту і неабходнасці самому рыхтаваць, грузіць, вазіць дровы, складаць парубачныя рэшткі і здаваць скончаную рубкай лесасеку лясніцтву.
2. Купля дроў з лесасекі: рэкамендавана тым, у каго ёсць транспарт, здольны заехаць на лесасеку.
Дзеянні: звернуцца ў лясніцтва, выпісаць таварна-транспартную накладную, і ў дзень выпіскі на лесасеку сабраць абгадаваныя дровы, самім пагрузіць і вывезці на сваім або арандаваным транспарце. Кошт залежыць ад пароды – прыблізна 10 рублёў за 1 м3 драўніны (адзін трактарны прычэп - каля 50 рублёў).
3. Купля дроў з прамежкавага склада. Рэкамендуецца тым, у каго таксама ёсць свой, або арандаваны транспарт, але адрозніваецца ад папярэдняга спосабу, тым, што дровы будуць стрэлёваны ў адну кучу на краі лесасекі, або на лясной дарозе (знаходзяцца на пагрузнай пляцоўцы).
Дзеянні: звернуцца ў лясніцтва, выпісаць таварна-транспартную накладную, і ў дзень выпіскі на краі лесасекі або каля лясной дарогі (пагрузнай пляцоўцы) самому загрузіць і вывезці дровы на сваім або арандаваным транспарце. Кошт залежыць ад пароды – прыблізна 19 рублёў за 1 м3 драўніны (адзін трактарны прычэп - каля 100 рублёў).
4. Купля дроў з дастаўкай на двор пакупніка. Рэкамендуецца тым, у каго ёсць трохі дроў і цярпення. Лясгас аказвае дадзеную паслугу пры наяўнасці свабоднай тэхнікі, па папярэднім запісе.
Дзеянні: патэлефанаваць у бліжэйшае лясніцтва і замовіць дровы. Вас запішуць на чаргу і па наяўнасці вольнага транспарту прывязуць дровы на двор. Кошт залежыць ад пароды і складае прыблізна 28 рублёў за 1 м3 дроў (адзін вялікі (7 м3) трактарны прычэп - каля 200 рублёў.). Чарга на прывоз дроў восенню значна больш, чым вясной і летам. Таму пры дадзеным спосабе лепш паклапаціцца аб дровах у вяснова-летні перыяд.
Калі названыя вышэй спосабы нарыхтоўкі дроў на зіму Вам не падыходзяць, можна звернецца ў спецыялізаваную палівазабяспечваючую арганізацыю - Валожынскі Райпал, якая забяспечвае колатымі дровамі (поўная норма – 4,9 м3), жыхароў Валожынскага раёна якія не маюць газавага ацяплення. Кошт каля 150 рублёў без дастаўкі.
