Хлопцы з радасцю і запалам сталі праяўляць майстэрства на снежнай ніве.
У 15 установах агульнай сярэдняй адукацыі Валожынскага раёна пракладзены лыжныя трасы і аформлены пляцоўкі для зімовых забаў. У кожнай школе маецца дастатковая колькасць лыжнага інвентара, якім навучэнцы карыстаюцца з велізарным задавальненнем. Школьнікі засумавалі па пракладзенай лыжні, таму не могуць дачакацца заканчэння ўрокаў, каб зноў прабегчыся з ветрыкам на новенькіх лыжах.
Зімовае надвор'е спрыяе правядзенню спартыўна-масавых і фізкультурна-аздараўленчых мерапрыемстваў на свежым паветры. Каманды ўстаноў актыўна рыхтуюцца да раённага этапу спаборніцтваў па біятлоне «Снежны снайпер» на прызы Прэзідэнцкага спартыўнага клуба.
Запал, юнацтва, дух спаборніцтва і агульнага імкнення да перамогі - вось што такое доўгачаканая снежная пара. Поспеху ўсім і марознага настрою!
