Фінальнай частцы мерапрыемства папярэднічаў першы этап конкурсу. Па яго выніках паспрачацца за права прадстаўляць свой раён у вобласці атрымалі педагог-псіхолаг ДУА "Сярэдняя школа №2 г. Валожына" Аксана Эдуардаўна Віршыч, педагог-псіхолаг ДУА "Івянецкая сярэдняя школа" Вера Антонаўна Салтан, педагог-псіхолаг ДУА "Дзіцячы цэнтр развіцця дзіцяці "Расінка" г. Валожын Ніна Уладзіміраўна Супрун.
Кампетэнтнаму журы, у склад якога ўваходзілі намеснік начальніка ўпраўлення адукацыі, спорту і турызму Мiлюткiна Алена Іванаўна, старшыня Валожынскай раённай арганізацыі Беларускага прафсаюза работнікаў адукацыі і навукі Камінская М. Н., дырэктар установы адукацыі "Валожынскі дзяржаўны раённы сацыяльна-педагагічны цэнтр" Мучынская С. І., намеснік загадчыка ДУА "Ракаўскі яслі-сад "Сонейка" Доўнар-Слiзская Т. І., псіхолаг ДУ "Валожынскі тэрытарыяльны цэнтр сацыяльнага абслугоўвання насельніцтва" Жданюк А. В. Трэба было вырашыць складаную задачу - выбраць лепшага з лепшых. Як адзначыла дырэктар установы адукацыі "Валожынскі дзяржаўны раённы сацыяльна-педагагічны цэнтр" Святлана Іванаўна Мучынская, фіналісткі паказалі вельмі высокі ўзровень сваёй прафесійнай кампетэнцыі.
У выніку, пераможцам конкурсу прафесійнага майстэрства педагогаў-псіхолагаў устаноў адукацыі раёна стала Аксана Эдуардаўна Віршыч, якая заўважыла, што для яе ўдзел у конкурсе – гэта магчымасць падкрэсліць важную ролю прафесіі педагога-псіхолага і пэўная прыступка ў самаразвіцці.
2 месца заняла педагог-псіхолаг ДУА "Дашкольны цэнтр развіцця дзіцяці "Расінка" г. Валожын Ніна Уладзіміраўна Супрун.
3 месца заняла педагог-псіхолаг ДУА "Івянецкая сярэдняя школа" Вера Антонаўна Салтан.
ВІНШУЕМ ПЕРАМОЖЦАЎ!!!
