Вышэйзгаданы трэнінг доўжыўся 3 дні. Праграма трэнінгу «Ясная мова для прафесіяналаў» была прадстаўлена разнастайнымі тэмамі для абмеркавання. Да прыкладу, удзельнікі вывучалі мастацтва задаваць пытанні і адпрацоўвалі практычныя навыкі іх фармулёўкі, разбіраліся з паняццем «Lego-фасілітацыя», стваралі безбар'ерныя PDF-файлы і стылі яснай мовы, працавалі ў групах і выконвалі хатняе заданне. Эксперты-ацэншчыкі актыўна працавалі па разнастайнай праграме дзейнасці, прадстаўленай аддзяленнем дзённага знаходжання для інвалідаў ДУ «Валожынскі тэрытарыяльны цэнтр сацыяльнага абслугоўвання насельніцтва».
Галоўная канцэпцыя трэнінгу: рэалізацыя права людзей з інваліднасцю на атрыманне даступнай інфармацыі, шляхам яе перакладу на «ясную мову», дзе «ясная мова» - гэта стандарты фарматавання і набору тэкстаў, якія закліканы дапамагчы людзям ствараць інфармацыю, даступную для чытання і разумення людзьмі з разумовымі абмежаваннямі. Мэтай самой яснай мовы з'яўляецца спрашчэнне праграм бесперапыннага навучання для ўдзелу ў іх людзей з інваліднасцю. Мяркуецца, што гэтае новаўвядзенне значна павысіць якасць жыцця людзей з інваліднасцю ўсіх узростаў.
Такім чынам, за час 2-ога этапу трэнінгу яго ўдзельнікі асвоілі і замацавалі асновы фарматавання і вёрсткі тэкстаў на яснай мове, навыкі стварэння вэб-старонак для людзей з парушэннямі зроку. А таксама спецыялісты па сацыяльнай рабоце і кіраўнікі гурткоў паспелі значна павысіць свой узровень прафесійных ведаў, абмяняцца рабочым вопытам з калегамі і нават павесяліцца.
