Фестываль праводзіўся з мэтай фарміравання станоўчага сацыяльнага статусу пажылых людзей у сучасным грамадстве, падтрымкі актыўнай жыццёвай пазіцыі і стварэння ўмоў для задавальнення патрэб у творчай самарэалізацыі людзей сталага ўзросту, актывізацыі ўдзелу жыхароў вёсак у сацыяльна-культурным жыцці грамадства.
У раёне на базе ўстаноў культуры клубнага тыпу працуе 8 аматарскіх аб'яднанняў ветэранаў працы і жаночых клубаў па інтарэсах. У фестывалі прынялі ўдзел аб'яднаннi Сакаўшчынскага, Багданоўскага і Дубінскага сельскіх цэнтраў культуры, Дорскага і Пугачоўскага сельскіх дамоў культуры і Суднікоўскага сельскага клуба. Усе ўдзельнікі ўзнагароджаны дыпломамі і памятнымі падарункамі.
Праграму фестывалю склалі:
- відэа прэзентацыі аматарскіх аб'яднанняў, якія адказваюць напрамку дзейнасці;
-выставы работ удзельнікаў аматарскіх аб'яднанняў, жаночых клубаў па інтарэсах «Майстар добрых спраў»;
-творчы марафон.
Удзельнікі I раённага фестывалю аматарскіх аб'яднанняў атрымалі карысны вопыт і станоўчыя эмоцыі.
За «круглым сталом», які адбыўся па выніках фестывалю, быў адзначаны высокі ўзровень падрыхтаваных выступленняў і майстэрства ўдзельнікаў аматарскіх аб'яднанняў.
