Валожынскі раённы
выканаўчы камітэт

07.05.2021 на базе аддзялення дзённага знаходжання для грамадзян сталага ўзросту прайшла сустрэча-успамін «У вайны не дзіцячы твар». На мерапрыемства былі запрошаны пажылыя людзі - удзельнікі аддзялення, дзяцінства якіх было закранута вайной, а таксама – выхаванцы аддзялення дзённага знаходжання для інвалідаў. Спецыялісты цэнтра правялі віртуальную экскурсію ў музей яўрэйскага супраціву г. Навагрудка. Экскурсія была падрыхтавана на аснове фота- і відэаматэрыялаў, сабраных у пажылых людзей, якія раней наведвалі музей. Удзельнікі мерапрыемства пачулі дзіўную гісторыю ўцёкаў 200 вязняў з Навагрудскага гета, сярод якіх было шмат дзяцей. Пажылыя людзі, запрошаныя на мерапрыемства, падзяліліся кранальнымі дзіцячымі ўспамінамі, распавялі пра нягоды і пазбаўленні ваеннага і пасляваеннага часу.