Пярвічная ветэранская арганізацыя гарпасёлка Івянец наладзіла Прэзентацыю кнігі “Ад каранёў да кроны” нашай таленавітай паэтэсы, члена Саюза пісьменнікаў Беларусі, былога
кіраўніка народнага літаратурна-мастацкага аб’яднання “Рунь” РЦК Валянціны Францаўны Гіруць-Русакевіч.
Мерапрыемства прайшло ў мясцовай бібліятэцы. Яго ініцыятарам стала старшыняпярвічкі Аляксандра Пятроўна Нядзвецкая, якая запрасілада ўдзелу самых актыўных
членаў арганізацыі. А правяла знаёмства на паэтычнай хвалі Людміла Уладзіміраўна Страчынская – ветэран педагагічнай працы Івянеччыны,выдатны знаўца і экскурса- вод па літаратурнай спадчыне Валожыншчыны. Яна зрабіла выставу кніг “рунеўцаў”, а таксама расказала пра творчы шлях такіх вядомыхпаэтаў Валожынскай і Івянецкай зямлі, як Іван Міхайлавіч Асіпацкі, Іван Аляксандравіч Вальчэўскі, Сяргей Сяргеевіч Маляўскі, Марыя Антонаўна Шакун, Дзмітрый Геранімавіч Краскоўскі
Прысутныя засталіся задаволенымі сустрэчай. І як пасля адзначыла адна з удзельніц: “Я нават і не ўяўляла, што ў нас такія таленавітыя людзі”. Таму ўсе аднадушна выказалі пажаданне адрадзіць добрае пачынанне і наладжваць сустрэчы-знаёмствы і надалей.
