Першы з чатырох этапаў прайшоў у фізкультурна-аздараўленчым комплексе. Юных наведвальнікаў і іх бацькоў яшчэ на ўваходзе сустракала роставая лялька «Ратавальнік», якая запрашала ўсіх прыняць удзел у конкурсах, віктарынах і гульнях. А іх у гэты дзень было не мала. Ратавальнікі і іх юныя памочнікі нагадвалі дзецям важныя правілы бяспекі, а іх бацькам аб небяспецы пакідання дзяцей без нагляду.
- Мне больш за ўсё спадабалася гульня «Знайдзі пару». Вельмі цікава. Ды і ўдваіх з дзіцем можна гуляць, што вельмі важна. Мы з мужам заўсёды стараемся ў гульнявой форме навучаць сына правілам бяспекі, так ён лепш засвойвае. Сёння мы з ім прайшлі чарговае навучанне. Ды і я не толькі памяць сваю і ўважлівасць праверыла, але і шмат новага і карыснага даведалася, - пракаментавала тое, што адбываецца адна з удзельніц акцыі.
Кожны, хто наведаў мерапрыемства, атрымаў карысныя і патрэбныя веды, а таксама сувенірную і навучальную наглядна-выяўленчую прадукцыю ад ратавальнікаў.
