У рамках абласной грамадзянска-патрыятычнай акцыі “Быць годнымі Вялікай Перамогі” адбылася сустрэча членаў народнага літаратурна-мастацкага аб’яднання “Рунь” ДУК “Валожынскі раённы цэнтр культуры” з навучэнцамі ДУА “Валожынскі сельскагаспадарчы прафесійны ліцэй”.
Кіраўнік аб’яднання Наталля Жылевіч прадставіла зборнік вершаў “Помнім і жывём” удзельнікаў народнага літаратурна-мастацкага аб’яднання “Рунь”. На працягу сустрэчы майстры мастацкага слова Марыя Мучынская, Галіна Філяноўская і Людміла Садоўская чыталі свае паэтычныя творы пра вайну і Перамогу, вялі шчырую гутарку з падлеткамі пра былыя гады і сучаснасць.
