Збіраючыся на адпачынак у Валожынскім раёне або любым кутку Рэспублікі Беларусь, неабходна выконваць шэраг правілаў, якія дапамогуць вам захаваць здароўе:
- пры выбары месцаў адпачынку неабходна звярнуць увагу на добраўпарадкаванне пляжу: наяўнасць смеццязборнікаў, лавак, ценявых падстрэшкаў, кабінак для пераапранання, грамадскіх прыбіральняў.
- збіраючыся на пляж, абавязкова трэба ўзяць з сабой галаўны ўбор, пітную ваду, ручнік, парасон. Загараць лепш пад парасонам у ранішнія і пасляабедзенныя гадзіны.
- нельга піць ваду з вадаёма, мыць у ёй гародніну, посуд, паласкаць рот.
- неабходна пазбягаць ужывання алкагольных напояў, тым больш нельга купацца ў стане алкагольнага ап'янення.
- на пляжах не рэкамендуецца адпачываць і купацца з хатнімі жывёламі. Нельга кідаць і адстаўляць пасля сябе смецце, яго трэба выкідаць ў спецыяльна адведзеныя месцы.
- купайцеся толькі ў спецыяльна абсталяваных і дазволеных для гэтых мэт месцах.
- пры купанні ў вадаёмах не трэба дапускаць траплення вады ў рот. Калі гэта здарылася, рэкамендуем сачыць за ўласным здароўем. Пры пагаршэнні самаадчування неабходна звярнуцца ў медыцынскую ўстанову. Акрамя таго, пры трапленні вады ў рот вельмі важна адразу прапаласкаць рот бутыляванай вадой, гэта знізіць рызыку заражэння.
- пасля купання ў вадаёмах неабходна прыняць душ або апаласнуцца вадой (можна нават з бутэлькі) прама на пляжы або працерці скуру антыбактэрыйнымі вільготнымі сурвэткамі або антысептыкам. Невялікую ёмістасць з антысептыкам варта заўсёды браць з сабой на пляж.
У мэтах прафілактыкі рэспіраторных і іншых інфекцый, уключаючы COVID-19 (каранавірусная інфекцыя) у зонах адпачынку рэкамендуецца:
выконваць правілы сацыяльнага дыстанцыяваньня, гігіены рук, рэспіраторны этыкет;
браць з сабой свежапрыгатаваныя прадукты ў індывідуальнай чыстай упакоўцы;
для піцця, мыцця садавіны і агародніны выкарыстоўваць пераважна бутыляваную ваду.
Валожынскім РЦГіЭ штотыдзень праводзіцца кантроль якасці вады водных аб'ектаў, якія выкарыстоўваюцца ў рэкрэацыйных мэтах. Да пачатку купальнага сезону (май) і ў перыяд купальнага сезону даследавана 199 пробаў на прадмет адпаведнасці ўстаноўленым параметрмх бяспекі вады паверхневых водных аб'ектаў. Усе даследаваныя пробы адпавядаюць гігіенічным нарматывам і вада водных аб'ектаў зон адпачынку раёна бяспечная для купання і плавання.
За перыяд з 01.06.2021 года па цяперашні час эксплуатацыя зон адпачынку на водных аб'ектах раёна не абмяжоўвалася, не забаранялася, не прыпынялася. Купанне ў водных аб'ектах зон адпачынку не забаранялі.
Маніторынг за ўтрыманнем зон адпачынку на водных аб'ектах працягнецца.
Памочнік урача-гігіеніста
Валожынскага РЦГіЭ Г. Шалакова