На тэрыторыі Мінскай вобласці знаходзяцца 10 літаратурных музеяў, у якія прыязджаць не толькі цікава, але і модна. Паветра ў такіх музеях прасякнута творчасцю, у іх лунае натхненне і дух твораў. У гонар пісьменнікаў-ураджэнцаў называюцца вуліцы, называюцца ўстановы культуры і адукацыі, усталёўваюцца памятныя дошкі, шыльды і помнікі.
Мы прапануем вам паўдзельнічаць у нашай фотаакцыі «Літаратурнымі сцежкамі Міншыны» і сабраць разам усе літаратурныя месцы Мінскай вобласці, успомніць даўно знаёмыя і знайсці новыя. Прайсціся літаратурнымі маршрутамі, знайсці і наведаць зацішныя літаратурныя куткі, а таксама даведацца імёны і пазнаёміцца з творчасцю класікаў і сучаснікаў.
