Гэта самы высокі паказчык па росце трафіку ў Мінскай вобласці за май–чэрвень 2021 года. На другім месцы Мядзельскі раён - 83%, на трэцім Бярэзінскі - 73 %.
Рэкордны рост трафіку мабільны аператар тлумачыць устаноўкай новых базавых станцый. У маі-чэрвені на тэрыторыі Валожынскага раёна life:) павялічыў колькасць базавых станцый з 1 да 22. У выніку паляпшэнняў плошча 4G-пакрыцця на Валожыншчыне вырасла ў 13,6 разы, а колькасць жыхароў – для якіх стаў даступны 4G, - больш чым у 2 разы.
Новыя базавыя станцыі працуюць у частотным дыяпазоне 800 МГц. Ён валодае вялікім радыусам дзеяння - дазваляе эфектыўна забяспечыць пакрыццё сельскай мясцовасці і палепшыць сігнал 4G унутры будынкаў.
Самым «інтэрнэтным» месцам Валожынскага раёна стала вуліца Камсамольская ў цэнтральнай частцы Валожына - менавіта там, недалёка ад парку, знаходзіцца самая «пампуючая» кропка.
Валожынскі раён - не адзіны, якi закранулі паляпшэннi сеткі. Усяго ў маі-чэрвені гэтага года на тэрыторыі Мінскай вобласці аператар устанавіў больш за 300 новых базавых станцый. Праект кампанія рэалізуе ў партнёрстве з інфраструктурным аператарам beCloud.
