У абласным маладзёжным форуме работнікаў сістэмы сацыяльнай абароны “Будучыня сацабароны – за намі” прынялі ўдзел кіраўнік і спецыялісты тэрытарыяльнага цэнтра сацыяльнага абслугоўвання насельніцтва. Маштабнае мерапрыемства прайшло на базе дома-інтэрната для пажылых грамадзян і інвалідаў “Камфортнае жыццё”, што ў Астрашыцкім гарадку.
Кіраўнік гуртка ТЦСАН Вольга Радына і загадчык філіяла турыстычнага інфармацыйнага і рэкрэацыйнага цэнтра Таццяна Барадака прадставілі сувенірную прадукцыю падчас продажу-кірмашу “Беларусь самабытная”. Дырэктар цэнтра Галіна Рай прэзентавала выставу “Беларусь помніць”, якую супрацоўнікі валожынскай установы падрыхтавалі да Дня Перамогі і прысвяцілі яе сваім родным – удзельнікам Вялікай Айчыннай вайны.
