Валожынскі лясгас нагадвае пра магчымасць праверыць прадукцыю на радыёнукліды, звярнуўшыся на пост радыяцыйнага кантролю.
Пост радыяцыйнага кантролю (ПРК) праводзіць кантроль радыеактыўнага забруджвання зямель ляснога фонду, участкаў ляснога фонду і лясных рэсурсаў, лясной прадукцыі і прадуктаў яе перапрацоўкі, аб'ектаў лясной гаспадаркі і працоўных месцаў, харчовых прадуктаў.
Вылучаюць 3 групы дзікарослых ягад па назапашванні ў іх радыёнуклідаў:
- моцнаназапашваючыя (чарніцы, брусніцы, журавіны, буякі),
- сярэдненазапашваючыя (суніца, рабіна),
- слабаназапашваючыя (маліна, каліна, ажына).
Дапушчальны ўзровень утрымання цэзію-137 (РДУ-99) у дзікарослых ягадах - 185 Бк/кг. Па ўсёй тэрыторыі Валожынскага лясгаса гэты ўзровень не перавышаецца.
ПРК ажыццяўляе даследаванні для насельніцтва на бязвыплатнай аснове, куды любы жадаючы можа звярнуцца і праверыць прадукцыю. Пост радыяцыйнага кантролю размешчаны па адрасе: г.Валожын, вул. Садовая, 3.
Бывайце здаровы!
