Адной з асноўных такіх рызык з'яўляецца павелічэнне актыўнасці перавозак дзяцей з месцаў адпачынку асабістым транспартам і ў складзе арганізаваных груп аўтобусамі. Не менш важнай акалічнасцю з'яўляецца страта за час летніх канікул дзецьмі навыкаў бяспечных паводзін на дарозе ва ўмовах высокай інтэнсіўнасці аўтатранспарту.
У мэтах прафілактыкі дзіцячага дарожна-транспартнага траўматызму і недапушчэння ДТЗ з удзелам непаўналетніх, з 11 па 18 жніўня г. г. на тэрыторыі Валожынскага раёна Мінскай вобласці дзяржаўтаінспекцыя праводзіць рэспубліканскую прафілактычную акцыю пад дэвізам «Беражыце дзяцей!».
Гэтымі днямі вартавыя дарог правядуць заняткі з дзецьмі ў летніх аздараўленчых і прышкольных лагерах, дзе растлумачаць правілы бяспечных паводзін на дарозе і ў транспарце. Таксама інспектары нададуць асаблівую ўвагу правілам пераходу праезнай часткі, выбару бяспечных месцаў для актыўных гульняў, катання на роліках, скейтбордах, роварах, сродках персанальнай мабільнасці і такому важнаму пункту бяспекі, як нашэнне святлоадбівальных элементаў у цёмны час сутак. Дарослай аўдыторыі нагадаюць аб бяспечнай перавозцы непаўналетніх пасажыраў, наступствах ДТЗ у выпадку ігнаравання патрэбных правілаў, а таксама агучаць адміністрацыйную адказнасць для вадзіцеляў, якія не клапоцяцца аб бяспецы сваіх пасажыраў.
Акрамя таго, ДАІ адпрацуе нерэгулюемыя пешаходныя пераходы, участкі аўтамабільных дарог і вуліц населеных пунктаў, найбольш схільных рызыцы здзяйснення наездаў на пешаходаў і веласіпедыстаў. Таксама будуць у полi зроку праваахоўнікаў кіроўцы, якія не даюць перавагі пешаходам на пешаходных пераходах і перавозяць непаўналетніх у парушэннi заканадаўства.
Дзяржаўтаінспекцыя звяртаецца да бацькоў і нагадвае, што менавіта яны нясуць адказнасць за сваіх дзяцей і заклікае, перш за ўсё, кантраляваць іх вольны час і знаходжанне на вуліцы. З пункту гледжання дзіцяці бацькі - узор паводзін, а ўсё, што робяць мама і тата - правільна і адзіна дакладна, таму паважаныя дарослыя, будзьце для дзяцей станоўчым прыкладам няўхільнага захавання правілаў дарожнага руху.
Даведачна: на тэрыторыі Мінскай вобласці за 7 месяцаў бягучага года адбылося 45 ДТЗ з удзелам непаўналетніх, у якіх 1 малалетняе дзіця загінула (пасажыр) і 51 - атрымала траўмы рознай ступені цяжару. На тэрыторыі Валожынскага раёна з пачатку бягучага года зарэгістравана 1 ДТЗ з удзелам непаўналетняга, у выніку якога 1 непаўнагадовы пасажыр атрымаў траўмы.
АДАІ Валожынскага РАУС
