Лепшы вопыт, поспехі і дасягненні педагагічных калектываў устаноў адукацыі раёна былі прадстаўлены ў ходзе работы 5 тэматычных пляцовак на базах устаноў адукацыі пад агульнай назвай «Адукацыйныя стратэгіі Валожынскага раёна - адзінства, грамадзянскасць, патрыятызм» , наведаўшы якія ўдзельнікі і госці атрымалі эмацыйны зарад і папоўнілі прафесійную скарбонку.
Мерапрыемствы ў Івянецкай сярэдняй школе прайшлі на агульную тэму «Захаванне традыцый народа і сям'і праз вывучэнне гісторыі малой радзімы».
Практыкум «Лялька як захавальнік народных і сямейных традыцый» (ДУА «Івянецкая сярэдняя школа, педагог Часнок Г.А.») дапамог пашырыць веды аб узнікненні народнай лялькі, пра яе ролі ў сям'і, сямейных традыцыях. Госці не сышлі з пустымі рукамі. Кожны змог вырабіць сваімі рукамі сямейны абярэг і пакінуць яго сабе.
Нечаканым сюрпрызам стала «Карусель творчасці», створаная Івянецкага цэнтрам дзіцячай творчасці (дырэктар Зайленкова С.М., педагогі дадатковай адукацыі), здзівіўшы сваёй арыгінальнасцю і незвычайнасцю кампазіцыі.
У свет творчасці і фантазіі прысутныя акунуліся на майстар-класе Сівіцкага вучэбна-педагагічнага комплексу (Педагог Бібік Г.І.) па вырабе кветак з саломкі «Саламяны цуд», дзе пазнаёміліся з гісторыяй саломапляцення. Педагогі асвоілі навыкі дэкарыравання кветак і змаглі зрабіць гэта самастойна.
Не менш цікавым аказалася віртуальнае падарожжа ў музей з дапоўненай рэальнасцю «Экспанаты незабытага часу», куды запрасіла ўдзельнікаў Суднікоўская сярэдняя школа (педагогі Шымак В.Д., Паталей Е.І.), прадставіўшы інтэр'ер беларускага дома, на якім размешчаны (з QR кодамі) фотоэкспонаты побыту беларускіх сялян.
Відавочна, што сямейныя і народныя традыцыі не падзельныя. Захоўваючы іх, мы ствараем моцны падмурак гісторыі сваёй радзімы, прымнажаем яе, робім мацней і мацней.
