У рамках Тыдня музеяў 20 кастрычніка 2021 года для вучняў 10-11 класа адбыўся краязнаўчы квіз «Памятай і ведай свой родны край». Не аднойчы пабываўшы ў кутку народнай самабытнасці, зараз удзельніцы паказалі свае веды аб музейных экспанатах, паспрабавалі сябе ў якасці экскурсаводаў, пагрузіліся ў атмасферу далёкага мінулага роднага краю. Таксама ў музейнай зале праходзяць факультатыўныя заняткі, класныя і інфармацыйныя гадзіны. Знаёмства з часцінкай нашай гісторыі дапамагае дзецям пранікнуцца пачуццём любові да сваёй малой радзімы і захаваць яго, як захоўваюць свае экспанаты сцены музея.


