У ходзе рэйдаў асаблівая ўвага надаецца наяўнасці ў дамах аўтаномных пажарных апавяшчальнікаў і іх працаздольнасці, эксплуатацыі электрасетак і электраправодкі, а таксама спраўнасці пячнога ацяплення.
- Печ павінна быць правільна складзена і спраўная. Паверхні труб і сцен, у якіх праходзяць дымавыя каналы, павінны быць без расколін, а на гарышчах – атынкаваны і пабелены, каб своечасова заўважыць расколіны і ліквідаваць іх, бо найменшая іскра, якая вылеціць вонкі, можа прывесці да пажару. Дываны і дарожкі павінны быць прыбраныя ад печы далей. Негаручы ліст памерамі не менш 50х70 сантыметраў - павінен быць у АБАВЯЗКОВЫМ парадку. І не забывайце аб тым, што дзверцы печкі, якая топіцца павінны быць зачынены. Не пакідайце без нагляду печы, якія топяцца, не перакальвайце іх, а таксама не даручайце нагляд за імі дзецям, - заклікалі грамадзян ратавальнікі.
