Сярод самых распаўсюджаных парушэнняў, якія сустракаліся зімой-вясной гэтага года - гэта тэмпература ніжэй за норму, няпоўнае абсталяванне бытавых памяшканняў і недахоп цёплага спецадзення.
«Такія факты мы выяўляем як падчас планавых мерапрыемстваў па ацэнцы ўмоў працы, так і ў выніку праверак па зваротах грамадзян, – распавёў галоўны тэхнічны інспектар працы Федэрацыі прафсаюзаў Павел Манько. - Безумоўна, ёсць вытворчасці, на якіх усталяваць аптымальную тэмпературу не прадстаўляецца магчымым. Але ў такім выпадку наймальнік павінен скарэкціраваць рабочы графік, напрыклад, арганізаваць дадатковыя перапынкі, каб работнік змог сагрэцца і адпачыць. Але часам нават гэтыя элементарныя ўмовы далёка не заўсёды выконваюцца, хоць усе магчымасці ўсталяваць рэжым працы, які выключае прычыненне шкоды работніку пры паніжаных тэмпературах, у арганізацый ёсць. Таму тэхнічныя інспектары ва ўсіх рэгіёнах краіны пры наведванні арганізацый удзяляюць пільную ўвагу забеспячэнню неабходных умоў працы. Усім наймальнікам накіроўваюцца памяткі па выкананні тэмпературнага рэжыму, а ў выпадку выяўлення парушэнняў выдаюцца рэкамендацыі і прадстаўленні на іх устараненню».
Нагадаем, што паводле заканадаўства, тэмпература ў офісах павінна быць +20°С і вышэй. У вытворчых памяшканнях, у залежнасці ад інтэнсіўнасці і віду работ, - ад +6 да 19°С.
Пасля завяршэння кожнага маніторынгу, прафсаюзныя спецыялісты выдаюць рэкамендацыі, якія абавязковы для выканання наймальнікам. Дарэчы, у большасці выпадкаў парушэнні ўстараняюцца аператыўна.
Варта адзначыць, прафсаюзны маніторынг захавання тэмпературнага рэжыму будзе праводзіцца на працягу ўсяго асенне-зімовага перыяду. Пры гэтым адкрытая «гарачая» тэлефонная лінія Федэрацыі прафсаюзаў, патэлефанаваўшы на якую работнікі могуць паведаміць аб парушэнні патрабаванняў аховы працы – 375 17 90 90 90 48 (гарачая лінія працуе па будніх днях 8.30 да 10.30 і з 15.00 да 17.30).
