Валанцёры сярэбранага ўзросту прывялі ў парадак дарожкі, даступныя альтанкі, арт-аб'екты, прыбралі смецце, ігліцу і лісце. У падзяку работнікі заказніка далі пажылым людзям унікальную магчымасць - паназіраць за папуляцыяй дзікіх коней-тарпанаў, якія ў 2018 г. былі завезены ў Налібоцкую пушчу з Галандыі.
Спецыяліст заказніка распавёў цікавыя факты пра коней, паказаў, як экзатычныя госці прыжыліся ў дзікай прыродзе.
На свежым паветры таксама праведзены заняткі па скандынаўскай хадзе і дыхальнай гімнастыцы. У мерапрыемстве, акрамя валанцёраў аддзялення дзённага знаходжання для грамадзян сталага ўзросту, прынялі ўдзел члены раённай ветэранскай арганізацыі.
