Конкурс праводзіцца ў мэтах пашырэння агульнага кругагляду навучэнцаў, павышэння кваліфікацыі педагогаў, а таксама прадстаўляе ўдзельнікам магчымасць спаборнічаць паміж сабой у ведах у маштабах, якія выходзяць за рамкі праграмы. Менавіта «Старт», дапамагае не толькі аб'ектыўна ацаніць узровень ведаў, але і натхняе на набыццё новых уменняў і навыкаў дашкольнікаў, школьнікаў і педагогаў.
Асабліва вызначыліся выхаванцы і педагогі ДУА «Дашкольнага цэнтра развіцця дзіцяці г.п.Івянец» і ДУА «Дашкольны цэнтр развіцця дзіцяці г.Валожын»!
Дыпломамі I ступені ўзнагароджаны Мяшкуць Ксенія, Сівакоў Аляксей, Скіба Максім з ДУА «Дашкольны цэнтр развіцця дзіцяці г.п.Івянец», а таксама Якіменка Аляксандр, Жук Ксенія, Іёнаў Міхаіл, Пракаповіч Міхаіл, Арловіч Маргарыта, Гіль Ганна, Баталёнак Мацвей – выхаванцы ДУА «Дашкольны цэнтр развіцця дзіцяці г.Валожын».
5 выхаванцаў адзначаныя дыпломамі II ступені, 3 выхаванца – дыпломамі III ступені , астатнія ўдзельнікі атрымалі сертыфікаты.
Намесніку загадчыка па асноўнай дзейнасці Скіба Таццяне Станіславаўне ўручана Падзяка каардынатара за актыўную дапамогу пры правядзенні VIII Міжнароднага дыстанцыйнага конкурсу «Старт».
Віншуем выхаванцаў і педагогаў!