Выхаванцы аддзялення дзённага знаходжання для інвалідаў ДУ «Валожынскі тэрытарыяльны цэнтр сацыяльнага абслугоўвання насельніцтва» штодня на занятках у гуртках па інтарэсах і рэабілітацыйна-працоўных майстэрняў развіваюць свае здольнасці, авалодваюць новымі навыкамі і ўменнямі.
Асаблівай папулярнасцю ў нашых падапечных карыстаюцца заняткі па камп'ютарнай граматнасці і паліграфічным майстэрстве. Хлопцамі засвоены прынцып працы на каляровым прынтары, самастойнае друкаванне фатаграфій, ламініраванне. Тэхніку для заняткаў: каляровы прынтэр, брашуратар і ламінатар, выхаванцы аддзялення атрымалі ў дар ад кампаніі ТАА «IнсепшнIнвест» у мінулым годзе.
Сёння, у Міжнародны Дзень інвалідаў, прадстаўнік дадзенай кампаніі зрабіў чарговы падарунак для людзей з інваліднасцю, якія наведваюць аддзяленне, - гэта разак шабельны для паперы, які з'яўляецца патрэбным інструментам пры засваенні паліграфічнага майстэрства. Хлопцы выказалі словы падзякі за спонсарскую дапамогу і падзякавалі прадстаўніку кампаніі сувенірам, які быў зроблены з цяплом і душой на занятках у рэабілітацыйна-працоўнай майстэрні.
Свет не без добрых людзей! І кожны можа зрабіць якую-небудзь маленькую справу, дзякуючы якой свет стане яшчэ лепш, а людзі шчаслівей!