Адкрыўся тыдзень талерантнасці наведваннем Валожынскай дзіцячай бібліятэкі. Спецыялісты бібліятэкі імкнуліся надаць максімум увагі нашым дзецям, падарыць ім сваё цяпло і радасць зносін, зрабіць іх свет крышачку ярчэй і разнастайней.
Бібліятэкар Трасцянка А. I. распавяла дзецям пра бібліятэку, аб правілах паводзінаў у ёй, правяла агляд дзіцячых кніг на тэму дабра, міласэрнасці і любові. Юныя чытачы змаглі паглядзець лялечны спектакль па матывах казкі «Тры парася». Менавіта галоўныя героі гэтай казкі вучаць рабят таму, што сваякі вельмі важныя ў жыцці кожнага чалавека, у адзінстве сям'і ёсць сіла. Нашы родныя для нас падтрымка і апора.
А скончылася сустрэча ў бібліятэцы гасцінным чаяваннем і ўручэннем сувеніраў.
