Гэта сумесны праект ФПБ, Міністэрства спорту і турызму, а таксама Нацыянальнага алімпійскага камітэта.
Для дзяцей, якія трэніруюцца ў Мінскай гарадской прафсаюзнай спартшколе па зімовых відах спорту, абсталявана новая спецыялізаваная пляцоўка для заняткаў на адкрытым паветры. На ёй юныя спартсмены будуць адточваць навыкі не толькі катання, але і стрэльбы. Ужо ўладкаваны бытавыя памяшканні, а цяпер закупляецца спортінвентар, абсталяванне і трэнажоры. Дарэчы, новую трасу хлопцы змаглі апрабаваць у дзень яе адкрыцця. Засталіся задаволенымi.
- Сёння ў сістэме Федэрацыі прафсаюзаў дзейнічаюць 103 спартшколы. Большасць з іх пабудаваны некалькі дзесяцігоддзяў таму і маюць патрэбу ў рамонце. Таму ў апошнія гады мы праводзім вялікую працу ў гэтым кірунку: абнаўляем памяшканні і залы, закупляем неабходны спартыўны рыштунак. Бо для таго, каб дзеці маглі рэалізаваць свой патэнцыял, яны павінны займацца ў камфортных умовах, - распавёў лідар нацыянальнага прафцэнтра Міхаіл Орда.
Ад Нацыянальнага алімпійскага камітэта прафсаюзнай школе быў перададзены сертыфікат для набыцця спартыўнага інвентара і абсталявання. Па словах віцэ-прэзідэнта НАКа Дзмітрыя Даўгалёнка, сучасныя спартыўныя ўстановы - выдатная (і галоўнае - здаровая!) альтэрнатыва кампутарным гульням, якія сёння так любяць школьнікі.
Мінская гарадская СДЮШАР прафсаюзаў па зімовых відах спорту адкрылася ў 1972 годзе. Школа праводзіць падрыхтоўку па трох напрамках – біятлон, лыжныя гонкі, лыжнае дваябор'е і скачкі на лыжах. Сёння ў ёй займаюцца 223 чалавекі, у тым ліку на аддзяленні біятлона – 118. У трэнерскім складзе – 15 педагогаў. У 2020 годзе перададзена ў вышэйшае звяно падрыхтоўкі 7 чалавек, у 2021 годзе - 3 чалавекі.
– Мы спадзяемся, што гэта школа павысіць у дзяцей цікавасць да біятлона, – падкрэсліў ён.
І сапраўды, сёння ўсё больш дзяцей, гледзячы на Дар'ю Домрачаву і Ірыну Крыўко, імкнуцца стаць на лыжы. Як распавёў міністр спорту і турызму Сяргей Кавальчук, адкрыццё новай базы прыцягнула дадаткова каля 100 жадаючых паспрабаваць сябе ў зімовым дваябор'і. Ад гэтых хлапчукоў і дзяўчынак трэнеры, ды і ўсе неабыякавыя да спорту, чакаюць упартай працы і перамог на міжнароднай арэне. Галіновае ведамства, са свайго боку, абяцае падстаўляць плячо і вырашаць надзённыя пытанні.
- Усе дзіцячыя спартыўныя школы знаходзяцца пад нашым кантролем, мы пастаянна сочым, чаго ім не хапае і па магчымасці стараемся закрыць іх патрэбы – адзначыў Сяргей Кавальчук. - Адкрыццё гэтай базы - толькі пачатак. Упэўнены, у будучыні мы зможам далей развіваць школу, каб у хлопцаў былі лепшыя ўмовы для трэніровак.
Гэта праца вядзецца сумесна з ФПБ. Так, за мінулыя гады практычна ва ўсе спецыялізаваныя прафсаюзныя школы быў закуплены новы рыштунак для заняткаў лыжным спортам. Гэтая каласальная падтрымка, улічваючы, што зімовыя віды спорту з'яўляюцца аднымі з найбольш масавых і запатрабаваных. Толькі біятлонам у краіне пад кіраўніцтвам парадку 40 вопытных педагогаў займаюцца звыш 600 дзяцей.
- Многія знакамітыя беларускія спартсмены пачыналі свой шлях менавіта ў прафсаюзных спартыўных школах. Напрыклад, у біятлоне гэта Ганна Сола і Ірына Крыўко. І такія прыклады ёсць практычна па ўсіх напрамках – адзначыў Міхаіл Орда. - Але мы развіваем і падтрымліваем дзіцячы спорт не толькі дзеля высокіх дасягненняў. А ў першую чаргу для таго, каб у дзяцей было больш магчымасцяў праявіць сябе, з карысцю праводзіць вольны час і ўмацоўваць сваё здароўе. Не ўсе хлопцы стануць знакамітымі спартсменамі, але тыя якасці, якія яны атрымаюць на занятках, абавязкова спатрэбяцца ім у жыцці. Нашы школы прымаюць усіх ахвотных. Гэта дадатковая сацыяльная падтрымка сем'яў. Паколькі ўсе заняткі ў нашых спартыўных школах праводзяцца на бясплатнай аснове.
Юлія Кулік
Фота Валерыя КАРТУЛЯ
