Думаць, што COVID-19 заўсёды працякае ў дзяцей у лёгкай форме - вялікая памылка, дзяцей трэба прывіваць, каб знізіць як іх уласныя рызыкі захворвання, так і рызыкі тых, хто з імі кантактуе.
Вакцынацыі ад інфекцыі COVID-19 падлягаюць асобы з ліку дзіцячага насельніцтва ва ўзросце 12-17 гадоў з выкарыстаннем інактываванай вакцыны супраць інфекцыі COVID-19 (Vero Cell), краіна-вытворца - Кітайская Народная Рэспубліка.
Вакцынацыя дзіцячага насельніцтва ва ўзросце 12-17 гадоў ад інфекцыі COVID-19 праводзіцца пры наяўнасці інфармаванай згоды бацькоў (законных прадстаўнікоў), пры адсутнасці супрацьпаказанняў да вакцынацыі, не раней 6 месяцаў пасля перанесенай дзіцём інфекцыі COVID-19.
Пасля вакцынацыі выпрацоўваюцца антыцелы супраць COVID-19, што спрыяе прадухіленню захворвання або папярэджанні развіцця цяжкіх формаў захворвання і смяротных зыходаў. Даказана, што вакцынацыя перахварэўшых дае прыкметнае ўмацаванне імунітэту, такія людзі маюць больш высокі ўзровень антыцелаў і радзей захворваюць паўторна.
Вакцынацыя паказана ўсім асобам старэйшыя за 12 гадоў, якія не маюць супрацьпаказанняў для вакцынацыі або перанесенай інфекцыі COVID-19 у апошнія 6 месяцаў.
Адносныя супрацьпаказанні да вакцынацыі:
- вострыя інфекцыйныя і неінфекцыйныя захворванні, абвастрэнне хранічных захворванняў, у гэтым выпадку вакцынацыю праводзяць праз 2-4 тыдні пасля выздараўлення;
- кантакт з хворым Covid-19 або з падазрэннем на каранавiрусную інфекцыю (вакцынацыю праводзяць пасля выключэння COVID-19 альбо праз 6 месяцаў пасля перанесенай інфекцыі).
Абсалютныя супрацьпаказанні:
- гіперадчувальнасць (анафілактычныя рэакцыі ў анамнезе) да кампанентаў вакцыны або вакцын, якія змяшчаюць аналагічныя кампаненты;
- цяжкія поствакцынальныя ўскладненні (анафілактычны шок, цяжкія генералiзаваныя алергічныя рэакцыі, сутаргавы сіндром, тэмпература вышэй за 40°C і г. д.);
- узрост да 12 гадоў.
Вакцынацыя праводзіцца ў два этапы з інтэрвалам 21-28 дзён нутрацягліцава ў верхнюю траціну пляча, пацыент пасля вакцынацыі знаходзіцца пад наглядам медперсаналу не менш 30 хвілін.
Магчымыя рэакцыі на ўвядзенне вакцыны:
- найбольш часта: павышэнне тэмпературы цела, міалгія, агульнае недамаганне, галаўны боль, кашаль, млоснасць, слабасць;
- нячаста: галавакружэнне, анарэксія, ваніты, насмарк, болі ў горле.
- рэдка адзначаюцца такія сімптомы як алергічная рэакцыя, дрыжыкі, парушэнне густу.
Магчымы мясцовыя рэакцыі: хваравітасць, пачырваненне ў месцы ін'екцыі, азызласць, сверб.
Вакцынацыя дзяцей супраць інфекцыі COVID-19 праводзіцца ў дзіцячай кансультацыі раённай паліклінікі Валожынскай ЦРБ (кабінет № 210), Івянецкай гарпасялковай бальніцы, Ракаўскай участковай бальніцы, урачэбных амбулаторыях.
Бацькам важна разумець, што прышчапляючы сваё дзіця, вы абараняеце сябе і сваіх блізкіх!
