Сёння з працоўнымі калектывамі Валожынскага філіяла РСУП «Мінскае Дзяржплемпрадпрыемства» і ўпраўлення па сельскай гаспадарцы і харчаванні Валожынскага райвыканкама праект Асноўнага Закона з яго зменамі і дапаўненнямі абмеркавалі начальнік упраўлення сельскай гаспадаркі і харчавання Валожынскага райвыканкама Андрэй ЗАГОРСКІ, старшыня Валожынскай раённай арганізацыі прафсаюза работнікаў аграпрамысловага комплексу Вікенцій АДАМОВІЧ і намеснік начальніка ўпраўлення сельскай гаспадаркі і харчавання Валожынскага райвыканкама Вольга ПАВIЧ.
Так як сустрэча праходзіла ў форме адкрытага дыялогу, удзельнікі задавалі пытанні і на кожны з іх атрымлівалі поўныя і канкрэтныя адказы.
- Ці можна галасаваць на рэферэндуме не па месцы прапіскі і што для гэтага трэба? - пацікавіліся ўдзельнікі сустрэчы.
- Выбарчае заканадаўства прадугледжвае галасаванне чалавека на ўчастку як па месцы яго фактычнай рэгістрацыі, так і па месцы пражывання, калі ў яго ёсць дакументы, якія пацвярджаюць, што ён жыве там. Гэта значыць, дапусцім, студэнт пастаянна прапісаны ў Віцебску, а жыве ў Мiнску, у Мiнску ён здымае кватэру і ў яго ёсць дамова арэнды гэтай кватэры, то на гэтай падставе ён можа прыйсці на бліжэйшы ўчастак . Ніякіх «каруселяў» тут немагчыма, у нас спекулююць на тым, што такая магчымасць мяркуе падвойнае галасаванне. На самай справе не. Калі камісія па рэферэндуме бачыць, што ў спісе чалавека няма, яна звяжацца з камісіяй па яго месцы фактычнай рэгістрацыі, там яго выключаць.
