Спецыяліст упраўлення па сельскай гаспадарцы і харчаванні давяла да ведама інфармацыю аб найбольш запатрабаваных спецыялістах у сельгасарганізацыях раёна; аб аграрных навучальных установах, якія рыхтуюць спецыялістаў-аграрыяў; аб перавагах дагавора на мэтавую падрыхтоўку спецыялістаў пры паступленні ў навучальныя ўстановы, навучанні і наступным размеркаванні.
Як правільна выбраць прафесію, пазбегнуўшы памылак і наступных расчараванняў, працаўладкавацца і атрымаць прафесійную падрыхтоўку, прайсці перападрыхтоўку і павышэнне кваліфікацыі праз службу занятасці распавяла спецыяліст аддзела занятасці ўпраўлення па працы, занятасці і сацыяльнай абароне. Навучэнцам былі ўручаны інфармацыйныя буклеты «Вучыцца ніколі не позна».
Сацыяльны педагог Кезік Т. П. адзначыла, што прафесію трэба выбіраць свядома, з улікам рэальных магчымасцяў, асабістых і грамадскіх інтарэсаў. Кожная прафесія тоіць у сабе невычэрпныя магчымасці да творчасці.
