Віталі мужных землякоў, прадстаўнікоў працоўных калектываў і грамадскасці раёна старшыня райвыканкама Яўген Круковіч, дэпутат Палаты прадстаўнікоў Нацыянальнага сходу Рэспублікі Беларусь Алег Семянчук, старшыня раённай арганізацыі «Беларускі саюз воінаў вайны ў Афганістане» Рыгор Русакевіч. Таксама ў мерапрыемстве прынялі ўдзел прадстаўнікі вайсковай часці 30695.
Прысутныя ўсклалі да помніка вянкі і кветкі, хвілінай маўчання ўшанавалі памяць загінуўшых і памерлых ад атрыманых ран.
У складзе трох каманд, воіны-інтэрнацыяналісты накіраваліся па трох звыклых маршрутах - Багданава, Лоск, Ракаў, каб пакланіцца магілам землякоў - Паўла Падрэза, Валянціна Сліжа, Івана Мазуры, паўдзельнічаць у мерапрыемствах, падрыхтаваных да памятнага дня ўстановамі адукацыі, у якіх устаноўлены мемарыяльныя дошкі ў гонар былых вучняў-герояў Афганскай вайны.
Па добрай традыцыі ў вёсцы Зарэчная (каля Багданава) у сваім доме баявых таварышаў сына сустракала маці Паўла Падрэза Яніна Юльянаўна. Разам з ёй магілу яе адзінага сына наведалі кіраўнік спраў Валожынскага райвыканкама Наталля Жукоўская і воіны-афганцы.
Валянціна КРАЎНЕВІЧ
