Навучэнцы 7-11 класаў даведаліся аб сігнале «Увага ўсім!» і аб тым, як дзейнічаць, калі яны яго пачулі.
- Сёння ў Рэспубліцы Беларусь створана і ўдасканальваецца сістэма апавяшчэння. У ёй аб'яднаны і выкарыстоўваюцца ўсе сродкі правадной, радыё і тэлевізійнай сувязі. Асноўным спосабам абвесткі аб НС з'яўляецца перадача маўленчай інфармацыі. Перад кожнай перадачай любой маўленчай інфармацыі падаецца папераджальны сігнал: «Увага ўсім!» шляхам уключэння электрычных сірэн дзяржаўнай сістэмы апавяшчэння, - распавяла старшы інспектар сектара прапаганды і ўзаемадзеяння з грамадскасцю Алеся Радвіловіч.
Падрабязна аб тым, як дзейнічаць, калі пачулі сігнал «Увага ўсім!» хлопцы даведаліся, прагледзеўшы відэаролік. З дапамогай пытанняў віктарыны замацавалі атрыманыя веды.
Падчас сустрэчы з прадстаўніком Валожынскага раённага аддзела па надзвычайных сітуацыях навучэнцы даведаліся аб прафесіі ратавальніка, аб магчымасці стаць членам вялікай і дружнай «ратавальнай» сям'і, паступіўшы ў дзяржаўную ўстанову адукацыі «Універсітэт грамадзянскай абароны».
У завяршэнне мерапрыемства хлопцы праверылі свае веды з дапамогай гульні «Крокі выратавання», якая ім вельмі спадабалася. У выпадку памылкі ў выбары правільнай паслядоўнасці дзеянняў, яе выпраўлялі ўсе разам і разбіраліся, чаму менавіта так неабходна дзейнічаць у той ці іншай надзвычайнай сітуацыі.
На працягу ўсяго занятка за правільныя адказы ўдзельнікі акцыі зараблялі фішкі, якія потым абмянялі на карысныя прызы.
