З мэтай недапушчэння ДТЗ з удзелам непаўналетніх, напярэдадні і падчас вясновых школьных канікул, з 21 сакавіка па 3 красавіка 2022 года АДАІ Валожынскага РАУС з іншымі службамі міліцыі грамадскай бяспекі РАУС праводзіць комплекс прафілактычных мерапрыемстваў «Бяспечныя канікулы – «ВЯСНА-2022».
У перыяд школьных канікул у большай ступені дзеці прадастаўлены самі сабе. Дарожна-транспартныя здарэнні з непаўналетнімі сведчаць аб недысцыплінаванасці і няўважлівасці саміх дзяцей, а таксама аб адсутнасці кантролю за імі з боку дарослых.
У рамках комплексу прафілактычных мерапрыемстваў перад пачаткам школьных канікул супрацоўнікі міліцыі правядуць ва ўстановах адукацыі, як сярод дзяцей, так і дарослых прафілактычныя гутаркі, накіраваныя на папярэджанне дарожна-транспартных здарэнняў і бяспечныя паводзіны ў побыце. Пад час гутарак растлумачаць асноўныя рызыкі і пагрозы бяспецы дзяцей на дарозе, неабходнасць няўхільнага захавання правілаў перавозкі непаўналетніх у транспартных сродках, правілы бяспечных паводзін на дарозе, у транспарце і ў дварах. Асаблiвая ўвага нададзена правілам пераходу праезнай часткі па нерэгуляваным пешаходным пераходзе, недапушчальнасці выкарыстання пры гэтым мабільных тэлефонаў, іншых электронных прылад, а таксама выбару дзецьмі бяспечных месцаў для актыўных гульняў.
Акрамя таго, вартавыя дарог сумесна з педагогамі ўстаноў адукацыі, дзяжурнымі па школе і юнымі інспектарамі пракантралююць нашэнне навучэнцамі святлоадбіўных элементаў, што з'яўляецца немалаважнай умовай бяспекі дзіцяці ў цёмны час сутак.
У рамках комплексу прафілактычных мерапрыемстваў пройдзе прафілактычная акцыя «Дзіця - галоўны пасажыр!», дзе пад асаблівым кантролем ДАІ кіроўцы, якія перавозяць непаўналетніх пасажыраў.
Дарэчы, з пачатку года на тэрыторыі Мінскай вобласці зарэгістравана 9 ДТЗ з удзелам дзяцей, у выніку якіх 9 непаўналетніх атрымалі траўмы рознай ступені цяжкасці. Па віне саміх непаўналетніх зарэгістравана 1 ДТЗ.
Паважаныя дарослыя!
Не пакідайце непаўналетніх без нагляду!
Перш чым адправіць дзіця на вуліцу, нагадайце яму асноўныя правілы бяспечных паводзін на вуліцы.
У абавязковым парадку перавозіце дзяцей толькі прышпіленымі рамянямі бяспекі, а для дзяцей малодшага ўзросту выкарыстоўвайце спецыяльныя ўтрымліваючыя прылады.
Будзьце дзіцяці станоўчым прыкладам на дарозе!
Няхай «Бяспечныя канікулы» будуць у радасць і дзецям, і дарослым!
АДАІ Валожынскага РАУС
