ЮНЕСКА абвясціла 21 сакавіка Сусветным днём паэзіі ў 1999 годзе з мэтай падтрымаць моўную разнастайнасць з дапамогай паэтычнага самавыяўлення і даць магчымасць мовам, якія знаходзяцца пад пагрозай знікнення, быць пачутымі.
Супрацоўнікі цэнтральнай раённай бібліятэкі не засталіся і ў гэты раз у баку, і арганізавалі мерапрыемства пад назвай "Святло паэтычнага слова". На мерапрыемства былі запрошаны сябры народнага літаратурна-мастацкага аб'яднання "Рунь" - Гражынская Галіна Іосіфаўна, Мучынская Марыя Уладзіміраўна, Шакун Марыя Антонаўна. Слухачамі былі сябры клуба "Лэдзі" пры дзённым аддзяленні для пажылых людзей ДУ "Валожынскі тэрытарыяльны цэнтр сацыяльнага абслугоўвання насельніцтва" і сябры бібліятэчнага клуба "Міласэрнасць".
На мерапрыемстве гучалі вершы запрошаных паэтак (Г. I. Гражынская, М. В. Мучынская, М. А. Шакун), гучалі любімыя вершы, а так жа вершы ўласнага сачынення. Мерапрыемства праходзіла ў атмасферы дружбы і цяпла.
