Паводле аператыўнай інфармацыі Міністэрства сельскай гаспадаркі і харчавання беларускія аграрыі правялі сяўбу ранніх яравых збожжавых і зернебабовых культур (без кукурузы, грэчкі і проса) на 54,8% запланаваных плошчаў.
Па дадзеных на 14 красавіка, раннія яравыя ў краіне пасеялі на плошчы 353 тыс. га.
У Гродзенскай вобласці гэтыя культуры пасеяны на 85,6% плошчаў, у Мінскай - на 54,5%, Магілёўскай - на 12,9%, Віцебскай - на 7,85%, у Брэсцкай — на 94,2% і ў Гомельскай — на 86,1%.
Глебу пад сяўбу ранніх яравых збожжавых і зернебабовых культур падрыхтавалі на 455,1 тыс. га (70,6% плана). У гэтым годзе гэтыя культуры будуць размешчаны на плошчы 644,3 тыс. га.
Таксама ў Беларусі праводзіцца сяўба лёну (ужо выканана на плошчы 6,03 тыс. га, або 12,2% плана), цукровых буракоў (11,67 тыс.га, або 11,85%) і аднагадовых траў (31,3 тыс. га, або 11,22%).
