Маладзёжная серада - самая лепшая глеба для распаўсюджвання злачыннасці. Падлетка лягчэй падбіць на правапарушэнне, ды і самі маладыя людзі нярэдка здзяйсняюць памылкі ў сілу юнага ўзросту.
У Валожынскай дзіцячай бібліятэцы для навучэнцаў гімназіі №1 прайшоў адкрыты дыялог «Падлетак і закон» сумесна з начальнікам інспекцыі па справах непаўналетніх Валожынскага РАУС Чаховічам А. А.
Аляксандр Аляксандравіч нагадаў дзецям, што такое правіна, правапарушэнне, злачынства, адміністрацыйная і крымінальная адказнасць. Пазнаёміў з асноўнымі законамі, якія часцей за ўсё парушаюцца падлеткамі, і мерай пакарання.
