9 Мая Валожынскі краязнаўчы музей прыняў удзел у святочных мерапрыемствах на Кургане Славы. Музей прадставіў выставачную экспазіцыю «Вайна і лёсы». Выстава складалася з банэраў, прысвечаных ураджэнцам Валожыншчыны: Аляксею Мікалаевічу Бацяну і генерал-лейтэнанту Міхаілу Фамічу Букштыновічу. Таксама былі прадстаўлены фотадакументальныя матэрыялы аб нашых знакамітых земляках.
У гэты ж дзень на Плошчы Свабоды ў г. Валожыне краязнаўчы музей прадставіў экспазіцыю «Імёны герояў бессмяротныя». На ёй былі прадстаўлены копіі фатаграфій і дакументаў з музейнага фонду аб партызанскім руху на тэрыторыі Валожынскага раёна і стэнд, прысвечаны Герою Савецкага Саюза Шчарбіне Васілю Васільевічу.
