Піянеры ўсёй нашай краіны рыхтуюцца да знамянальнай даты. У піянерскіх дружынах Валожынскага раёна таксама праводзяць урачыстыя зборы, майстар-класы, флэшмобы і гульні-квесты. У сацыяльных сетках запушчаны чэлендж «#про_Пионер_Воложин».
Цяперашняе пакаленне піянераў - годныя спадчыннікі сваіх бацькоў, бабуль і дзядуль. Актыўна і цікава жыве раённая піянерская арганізацыя. У зоне ўвагі, як і раней - ветэраны вайны, пажылыя людзі. У скарбонку добрых спраў уваходзяць акцыі па добраўпарадкаванні малой радзімы, экалагічныя акцыі, спартыўныя спаборніцтвы, здаровы лад жыцця і іншыя.
Сёння на базе ДУА «Гімназія №1 г. Валожына» праходзіць урачыстае мерапрыемства, прысвечанае 100-годдзю піянерскай арганізацыі. Лепшых хлопцаў прымаюць у піянеры, арганізавана гульнявое падарожжа па старонках піянерскай гісторыі.
Ганаровымі гасцямі сталі ветэраны піянерскага руху. Было цікава пачуць успаміны пра шчаслівыя і незабыўныя гады піянерскага дзяцінства, паглядзець фатаграфіі. Усе жадаючыя змаглі прыняць удзел у раённым фотапраекце «Усмешка піянера». Піянерыя - гэта сяброўства, радасць, ініцыятыва, творчасць. Сяброўства ў піянерскай арганізацыі заўсёды давала магчымасць праявіць сябе і свае таленты, аб'яднаць намаганні для дасягнення мэты.
