У ААТ «Агра-Дубінскае» Валожынскага раёна ў апошнія дні мая прайшоў ужо традыцыйны дзень жывёлавода. Са словамі падзякі за руплівую і плённую працу да жывёлаводаў звярнуліся дырэктар Каспяровіч Генадзь Вацлававіч і намеснік дырэктара па жывёлагадоўлі Жукоўская Наталля Васільеўна. Прыемным дадаткам да слоў сталі прэміі 22 жывёлаводам за іх добрасумленнае стаўленне да працы і чаяванне, арганізаванае старшынёй першаснай прафсаюзнай арганізацыі ААТ «Агра-Дубінскае» Жаннай Загорскай.
Добры настрой для ўсіх прысутных стваралі работнікі Валожынскага раённага цэнтра культуры і Дубінскага сельскага Цэнтра культуры.
