Мастацкае аддзяленне Ракаўскай ДШМ (настаўнікі Маманько В. В. і Скорыкава Т. В.) прыняло ўдзел у Міжнародным конкурсе беларускай паэзіі і песні. Конкурс праводзіўся Маскоўскім домам нацыянальнасцяў, Інстытутам моў і культур ім. Льва Талстога (Расія) і міжнародным славянскім цэнтрам «Сугучча». Інфармацыйны партнёр з беларускага боку - Рэспубліканскі дзіцячы часопіс «Арэлі».
Мэта праекта – абудзіць цікавасць да паэтычнай, празаiчнай і песеннай творчасці брацкага беларускага народа, а таксама да помнікаў культурнай спадчыны Рэспублікі Беларусь.
Творчы праект – выдатная магчымасць прадэманстраваць свае здольнасці ў выкананні твораў песеннай, паэтычнай і празаічнай творчасці Беларусі.У конкурсе бясплатна прынялі ўдзел школьнікі і студэнты з Расіі, Беларусі і іншых дзяржаў.
У рамках праекта прайшоў і конкурс дзіцячага малюнка, па намінацыях:
- ілюстрацыі да беларускіх народных казак, празаічных і паэтычных твораў беларускіх аўтараў,
- прырода і краявіды Беларусі,
- беларускі фальклор,
- архітэктурныя ансамблі і помнікі гісторыі Беларусі,
- руска-беларускае сяброўства.
Удзел у конкурсе малюнка прынёс у скарбонку школы тры прызавых месцы. Удзельнікі праекта высока ацанілі арганізацыю конкурса, а настаўнікі засталіся задаволеныя добрымі вынікамі.
