Разлічыцеся па парадку, становіцеся на зарадку! Сёння надвор'е не радуе сваім цяплом, але ў спартыўна-аздараўленчым лагеры «Астравок здароўя» на базе ДУ «Дзіцяча-юнацкая спартыўная школа Валожынскага раёна» дзецям сумаваць не прыходзіцца. Пасля правядзення вучэбна-трэніровачных заняткаў, выхаванцы лагера паглядзелі фільм на спартыўную тэматыку «Касмічны Джэм: новае пакаленне», дзе ў галоўнай ролі зняўся Леброн Джэймс, легенда сусветнага баскетбола, а таксама зладзілі турнір па шахматах, якія вучаць быць вельмі ўважлівымі і сабранымі падчас гульні. Да таго ж шахматы - выдатная нагода для зносін, спрыяючая паглыбленню ўзаемаразумення, умацаванню сяброўскіх адносін.


