Сёння ў нашым спартыўна-аздараўленчым лагеры «Астравок здароўя» на базе ДУ «Дзіцяча-юнацкая спартыўная школа Валожынскага раёна» прайшоў яшчэ адзін цікавы і займальны дзень. Хлопцы (аддзяленне плавання) наведалі музей Алімпійскай славы, дзе іх запрасілі ў дзіўнае падарожжа па экспанатах, датычных беларускіх і савецкіх алімпійцаў, розных відаў спорту і выбітных дзеячаў фізічнай культуры. Астатнія атрады з добрым настроем удзельнічалі ў турніры па баскетболе 2х2, дзе ўсе хлопцы паказалі спрыт і добрую фізічную падрыхтоўку.


