Валожынскі раённы
выканаўчы камітэт

Сёння ў спартыўна-аздараўленчым лагеры «Астравок здароўя» на базе ДУ «Дзіцяча-юнацкая спартыўная школа Валожынскага раёна» перадапошні дзень, які прайшоў вельмі хутка і весела. Работнікі Валожынскага раённага аддзела па надзвычайных сітуацыях наведалі наш лагер, для навучэнцаў-спартсменаў прыезд ратавальнікаў стаў сапраўдным святам! Работнікі РАНС расказалі аб правілах бяспекі ў канікулярны перыяд, нагадалі меры бяспекі пры знаходжанні паблізу вадаёмаў, у лесе і падчас навальніцы. Таксама прадэманстравалі абсталяванне пажарнага аўтамабіля, працу аварыйна-выратавальнай прылады, правялі забаўляльныя конкурсы. Пасля праведзенага часу на свежым паветры хлопцы адправіліся на турнір па баскетболе 3х3, дзе паказалі спрыт і добрую фізічную падрыхтоўку.