1 верасня ў Валожынскім краязнаўчым музеі прайшоў урок у выглядзе гульні-квэста «Я гэтую зямлю малой радзімаю заву», прысвечаны Году гістарычнай памяці. Навучэнцы 3-iх класаў сярэдняй школы №1 горада Валожына прайшліся па старых валожынскіх вуліцах, пазнаёміліся са зместам музейнага фотаархіва, даведаліся, чым займаліся нашы продкі ў далёкім мінулым, наведалі старыя і новыя будынкі галоўных устаноў горада. Для гэтага яны пабывалі на станцыях «Валожын учора і сёння», «Промыслы нашых продкаў», «Сакрэтная карта», «Музейны фотаархіў», «Творчая». За актыўны ўдзел у гульні ўсе хлопцы былі ўзнагароджаны медалём «Юны краязнаўца».


