22 верасня ў Беларусі пройдзе Адзіны дзень бяспекі. Напярэдадні гэтага дня намаганні арганізатараў будуць накіраваны на фарміраванне ў грамадстве культуры бяспекі жыццядзейнасці, правядзенне адукацыйна-выхаваўчай работы і прапаганду бяспечных умоў пражывання насельніцтва.
За гэты час пройдзе мноства навучальных прафілактычных мерапрыемстваў па папярэджанні надзвычайных сітуацый, правапарушэнняў і злачынстваў і навучання правілам паводзін ва ўмовах розных НС. Інфармацыйныя матэрыялы да Адзінага дня бяспекі будуць шырока трансліравацца ў СМІ, на інтэрнет-рэсурсах і ў месцах масавага знаходжання людзей.
Галоўнымі арганізатарамі акцыі выступаюць органы дзяржаўнага кіравання і суб'екты прафілактыкі правапарушэнняў. Таксама да іх далучацца грамадскія аб'яднанні, сродкі масавай інфармацыі і іншыя зацікаўленыя арганізацыі.
