У першы дзень восені ў школах Валожыншчыны традыцыйна праходзяць урачыстыя лінейкі, прысвечаныя пачатку новага навучальнага года. Сёння Ракаўская сярэдняя школа, як і ўсе ўстановы адукацыі краіны, прымала сваіх вучняў, іх бацькоў і ганаровых гасцей, у ліку якіх намеснік старшыні Мінаблвыканкама Іван Маркевіч.
- Дзень ведаў сімвалізуе пачатак новага навучальнага года, - звярнуўся да прысутных Іван Станіслававіч. - Для першакласнікаў сёння прагучыць першы званок, які пакліча іх у доўгі шлях па краіне ведаў. Хай гэты шлях будзе займальны і лёгкі. Выпускнікам 11 класаў я жадаю цікавага года і правільнага прафесійнага выбару, які ім трэба будзе зрабіць па заканчэнні навучальнага года. Бацькам - цярпення, узаемаразумення з дзецьмі. Хай яны радуюць вас толькі добрымі адзнакамі і прыкладным паводзінамі. На Валожыншчыне працуюць адны з самых прафесійных і адданых сваёй справе педагогаў. Паважаныя настаўнікі, усім вам жадаю моцнага здароўя, поспехаў у працы і сямейнага дабрабыту. Усіх са святам!
Падарункавы сертыфікат на набыццё камп'ютэрнай тэхнікі
