Дзень памяці ахвяр фашызму - гэта дзень памяці дзясяткаў мільёнаў людзей, якія загінулі ў выніку гіганцкага, нечалавечага эксперыменту. Гэта мільёны салдат, якіх фашысцкія лідэры сутыкнулі адзін з адным, але яшчэ больш - мірных жыхароў, якія гінулі пад бомбамі, у канцлагерах, ад хвароб і ад голаду. У 1962 годзе было прынята рашэнне лічыць кожную другую нядзелю верасня Міжнародным днём памяці ахвяр фашызму, асноўнай мэтай якога з'яўляецца барацьба з ідэалогіяй адраджэння фашызму.
8 верасня ў школе прайшоў адкрыты дыялог, прымеркаваны да Міжнароднага дня памяці ахвяр фашызму, з удзелам памочніка пракурора Валожынскай раённай пракуратуры Пінчук Яўгеніі Аляксандраўны і навучэнцаў 9 «А» класа. Кіраўнік па ваенна-патрыятычным выхаванні Астаповіч Т.У. нагадала старшакласнікам аб гэтай даце, вылучыла асноўныя моманты. Памочнік пракурора Яўгенія Аляксандраўна Пінчук паразмаўляла з хлопцамі аб тым, што такое генацыд беларускага народа, і для чаго Генеральная пракуратура ўзбудзіла крымінальную справу па факце генацыду насельніцтва Беларусі ў гады Вялікай Айчыннай вайны і ў пасляваенны перыяд.
— Расследаванне ў рамках крымінальнай справы дазволіць устанавіць канкрэтных асоб з ліку нямецкіх захопнікаў і іх памагатых, якім удалося пазбегнуць адказнасці за забойствы мірных жыхароў, здзекі і катаванні ў канцлагерах і гета, масавы згон грамадзянскага насельніцтва ў нямецкае рабства, — сказала памочнік пракурора . - Тыя, хто вінаваты ў генацыдзе і жывуць сёння, павінны панесці заслужанае пакаранне. Але і імёны памерлых ваенных злачынцаў павінны быць агучаны.
Яўгенія Аляксандраўна і бібліятэкар школы Рудовіч А.У. прэзентавалі кнігу «Генацыд беларускага народа», з якой можна азнаёміцца ў электроннай версіі. У аснове кнігі ляжаць матэрыялы крымінальнай справы, распачатай Генеральнай пракуратурай Беларусі ў 2021 годзе, мэтай якой стала ўстанаўленне ўсіх фактаў масавага знішчэння мірных жыхароў, а таксама асоб, якія маюць дачыненне да гэтага злачынства, прыцягненне іх да адказнасці і ўвекавечанне памяці загінуўшых. Кніга расказвае аб злачынствах захопнікаў на беларускай зямлі, аб ахвярах сярод мірнага насельніцтва, аб увекавечанні памяці загінуўшых.
Рудовіч Алена Уладзіміраўна, кранальна і пранікнёна прачытала верш М. Джаліля «Варварства». У працяг размовы яна адзначыла, што дзень памяці ахвяр фашызму - гэта адна самых сумных дат. Гэта немагчыма забыць, нельга дараваць. Злачынствы супраць чалавецтва не маюць тэрміна даўнасці. Тым больш на нашай зямлі, дзе кожны трэці жыхар загінуў у тыя страшныя гады.
Намеснік дырэктара па выхаваўчай рабоце Каранік У.І. падкрэсліла, што хлопцы павінны ведаць і памятаць сапраўдную гісторыю сваёй краіны, быць яе патрыётамі. Патрыятызм - гэта не толькі гатоўнасць у любую хвіліну абараніць сваю Радзіму. Ён пачынаецца з малога - з добрых спраў, з імкнення вучыцца і атрымліваць веды, каб стаць добрым спецыялістам і прыносіць карысць сваёй краіне. Завяршылася мерапрыемства песняй «Беларусь» у выкананні навучэнцаў школы і музычнага кіраўніка Саўхіной Л.А.
Крыніца: school1.volozhin-edu.gov.by
