Да Дня маці ў аддзяленні дзённага знаходжання для інвалідаў ДУ «Валожынскі тэрытарыяльны цэнтр сацыяльнага абслугоўвання насельніцтва» прайшоў шэраг мерапрыемстваў.
Фотазона, святочная віншавальная паштоўка, відэа-віншаванне, падарункі-сувеніры для маці – вынік плённай працы.
Фінальным акордам стала культурна-масавая, асветніцкая імпрэза пад назвай «Самым родным і любімым». Протаіерэй прыхода храма Святых роўнаапостальных Канстанціна і Алены г. Валожына павіншаваў з покрывам Прасвятой Багародзіцы і акрапіў усіх прысутных святой вадой. Хлопцы з велізарным задавальненнем дэманстравалі гасцям сцэнічнае майстэрства, вакальныя дадзеныя, гульню на музычных шумавых інструментах і іншае.
Слёзы радасці былі на вачах у маці, калі яны любаваліся талентамі сваіх дзяцей. У глядзельнай зале панавала атмасфера дабра, утульнасці і свята.
Усіх дабротаў, мілыя матулі!
