Казкі любяць усе дзеці: чараўніцтва і прыгоды захапляюць, вучаць дабру і справядлівасці. У Валожынскай дзіцячай бібліятэцы прайшла літаратурная гульня «У чароўнай краіне казак». Разам з бібліятэкарам дзеці адправіліся ў падарожжа па казачным свеце. Ім трэба было разгадаць казачныя загадкі, вызначыць герояў казак, успомніць чароўныя словы з казак, знайсці памылку ў казцы. Хлопцы паказалі добрыя веды і з задавальненнем адказвалі на пытанні, яны лёгка справіліся з усімі заданнямі віктарыны. Мерапрыемства прайшло весела і займальна.


