На базе турыстычнага інфармацыйнага і рэкрэацыйнага цэнтра ў Валожыне прайшло мерапрыемства, на якім валанцёрам срэбнага ўзросту ўручылі спецыяльную форму валанцёра.
На ім прысутнічалі намеснік старшыні райвыканкама Ігар Шакун, дырэктар Валожынскага лясгаса Уладзімір Бацян, дырэктар ВТЦСАН Галіна Рай.
- Гэтага моманту мы чакалі вельмі даўно, - распавяла загадчыца аддзялення дзённага знаходжання для пажылых людзей Ірына Кавязо. - Валанцёрскі рух у нас развіты даўно і на пастаяннай аснове, але нам не хапала валанцёрскіх касцюмаў. З просьбай мы звярнуліся да кіраўніцтва раёна. І вельмі рады, што старшыня райвыканкама Яўген Круковіч падтрымаў нас і дапамог.
Эскізы для валанцёрскіх касцюмаў распрацавала работнік ВТЦСАН Юлія Гiсiч. Сродкі на матэрыял выдзеліла кіраўніцтва Валожынскага лясгаса на чале з Уладзімірам Бацянам. А пашылі спецыяльную вопратку работнікі РКБА, якім кіруе Іна Сiвая. І вось сёння 23 новенькіх яркіх касцюма былі перададзены валанцёрам.
– Наш Валожын – невялікі гарадок, тут усе адзін аднаго ведаюць, – адзначыў дырэктар лясгаса Уладзімір Бацян. – І калі нас папрасілі аказаць спонсарскую дапамогу, вядома ж, пагадзіліся. Бо валанцёры робяць вельмі добрую справу - яны бязвыплатна, па натхненні душы, дапамагаюць суседзям, знаёмым, сябрам – прыхарошваюць іх старасць і адзіноту. Я нарадзіўся на Валожынскай зямлі і рады, што дапамог сваім землякам.
Дырэктар цэнтра Галіна Рай уручыла Падзякі лепшым валанцёрам.
Крыніца: valozhin.by
